بعد انتهاء مسلسل ”دواعي السفر”.. أمير عيد: كان نفسي أقولكم والله دي شخصيتي الحقيقية
عبر الفنان أمير عيد عن حبه لجمهوره، بعد انتهاء مسلسل "دواعي السفر" موضحًا أن العلاقة التي تجمعه بهم استثنائية وأن رسائلهم له سبب في إلهامه.
كتب "عيد" عبر حسابه الرسمي على موقع التواصل الاجتماعي "إكس": "كل سنة وأنتم طيبين، عايز أقول حاجة وعارف إنها مش لايقة عليا، بس أنا بحبكم جدًا".
وأضاف:عايز أشكركم كمان بقى بما إني برغي النهاردة، على كلامكم الحلو عن مسلسل دواعي السفر، مكنتش أتصور إن ممكن حد يشكر في تمثيلي سواء نقاد أو جمهور، وعارف إني لسه محتاج أتعلم أكتر لو حبيت أمثل تاني.
وتابع أمير عيد: وعارف إنكم كنتوا بتعدوا لي حاجات عشان بتحبوني أو بتحبوا الأغاني بتاعتي وكده، كان نفسي أقولكم والله دي شخصيتي الحقيقية ولا لأ في المسلسل، بس أنا مش عارف شخصيتي الحقيقية أوي، أنا كل يوم بشخصية.
