هاني رمزي: أرفض منع المهرجانات .. وبحب عمر كمال وأرفض منع أي فن وابداع
أكد النجم هاني رمزي، أن الفنانين موضوعين تحت ضغط كبير بسبب كثرة الممنوعات في العالم العربي مما يؤدي إلى تحجيم الفنان، قائلا: "عندنا ممنوعات كتير وهذه الممنوعات كتير مش قليلة، والفنان بيبقى دايما عنده طاقة وخيال وإبداع أنه يحلق من غير ما حد يؤيده".
وأضاف الفنان هاني رمزي، في حوار ببرنامج "حبر سري"، على قناة القاهرة والناس، عندي أفكار افلام كثيرة لا يجوز أقدمها في مصر سواء دينيا أو سياسيا، متابعا: "هتلاقي محاذير كتير جدا وعشان تطلع بحاجة تمس الناس هتلاقي كل فين وفين، وأنا مش بحب اطلع أقول مواعظ وأنا بعيش مع الناس لحظة".
وعن رأيه في أغاني المهرجانات، رد قائلا: "أنا مع عدم منع المهرجانات واللي مش عجبه ميتفرجش إنما حد يمنع فن وابداع أنا ضده، وخلي الكل يعمل اللي عايزه وأنت كجمهور نقي والمواطن هو اللي يختار وبسمع المهرجانات واكتر مطرب بحبه عمر كمال"
