أحمد السقا يوجه رسالة حب وتقدير لـ كريم عبدالعزيز: راجل وجدع وابن ناس
وجه الفنان أحمد السقا رسالة تقدير عبر من خلالها عن حبه لصديقه الفنان كريم عبدالعزيز عبر حسابه الرسمي بموقع فيسبوك.
ونشر السقا صورة تجمعهما وصورة منفرده لكريم وعلق عليها: "قاعد وصاحي بدري ولقيت نفسي عايز أقول كلمة فى حق أجمل وأجدع صاحب قابلته في حياتي.. وإحنا عيال صغيرين أنا كنت عايش في شارع شهاب وهو عايش في العجوزة والقدر ربطنا ببعض، ومن يومها وإحنا أكتر من الأخوات".
وتابع، "ربنا يخلينا لبعض لأنه بجد راجل وجدع ومتربي وابن ناس وطول عمرنا مابنقولش لبعض غير ازيك يا صاحبي، عامل إيه يا صاحبي، أو مبروك يا صاحبي، وحقك عليا إني أقولك ربنا يخليك ليا يا صاحبي.. صاحبي وأخويا اللي بجد كريم عبدالعزيز.. رقبتي ليك يا صاحبي.. كلمة حق في حقك يا صاحبي".
واختتم السقا كلامه قائلا: "ملحوظة علشان الناس اللي بتصطاد في الميه العكرة دي الصورة اللي كريم كسب بيها جوي أورد.. وفي كل الحالات صاحبي قمر".
