بيومي فؤاد: الشعب المصري طيب وبيسامح.. والسوشيال ميديا مش هي كل الناس
صرح الفنان بيومي فؤاد، أن الحزن يسيطر على حياته منذ أزمته الأخيرة ، مؤكدا أن شعوره بالحزن لن ينتهي سوى بعودة حقه، قائلا:«الحزن هينتهى لما ربنا يجيبلي حقي أو الجمهور يسامحني أيهما أقرب، لكن أنا مش عايز الجمهور يسامحني وهو مش مقتنع، مش عايز أصعب على الناس إطلاقا؛ لازم الجمهور يكون مقتنع».
وعبر خلال لقاء لبرنامج «حبر سري»، المذاع عبر شاشة «القاهرة والناس» مساء الجمعة، عن رغبته في أن يفهم الجمهور وجهة نظره قبل أن يسامحه، لافتا أن محبيه نصحوه بالصمت بعد فيديو الأزمة الأخير في المملكة العربية السعودية، معقبا: «كل اللي بيحبوني قالولي حط لسانك جوا بقك بعد الفيديو».
وتابع «فؤاد»: «الشعب المصري شعب طيب شعب بيسامح.. والسوشيال ميديا مش هي الناس».
واعترض بيومي فؤاد على اتهامه بالخطأ في الفيديو، معتبرا أنه لم يخطئ، قائلا:« أنا موافق لما أغلط هعترف بالغلط وأحط لساني جوا بقي وأصبر وانتظر لغاية ما الناس تنسى وفعلا كم من حاجات كدا، لكن أنا اعتراضي أني مغلطتش في الفيديو».
وأوضح أن الاعتراضات الحالية ليست على عمله بالسعودية ولكن الانتقادات على حديثه في الفيديو، قائلا:«دلوقتي الاعتراض مش على شغلي، أنا شغلي وذهابي لهناك خلاني أخذت شوية شتمية زي غيري، كم الجريمة اللي حصلت والكلام كله عن الفيديو».
وأضاف أنه يرغب في شرح وجهة نظره حتى لو لم يسامح من قبل الجميع، قائلا:« اللي مضايقني أن الناس هتنسى وهي زعلانة، أنا مش عايز الناس تنسى وهي زعلانة، أنا عايز الناس تفهم، وبعدها يقرروا لو لسه زعلانين فوق دماغي ولو كل اللي أنا قلته عبط فوق دماغي لكن أشرح وجهة نظري».
