فيفي عبده: بشتري كفني كل سنة ومكتبتش وصيتي

كشفت الفنانة فيفي عبده، عن شرائها كفن لها كل عام من السعودية ثم تتصدق به ولم تكتب وصية، قائلة: "أنا كل سنة بشتري كفني من السعودية وبعدين اطلعه صدقة ومش كاتبة وصية وسيباها على الله، وأولادي عندهم قناعة بالرزق، ورأيي اللي يموت ميسبش حاجة ويصرف لآخر مليم".

وأضافت فيفي عبده، خلال حوار ببرنامج "حبر سري"، مع الإعلامية أسما إبراهيم، على قناة القاهرة والناس، أن الإنسان هو الذي يعمل ويحصل على الفلوس وليس العكس، ولابد من اهتمام كل إنسان بصحته لأن الصحة هي الكنز الحقيقي، قائلة: "القرش إحنا اللي بنجيبه مش هو اللي بيجيبنا وصحتنا أهم حاجة".

ومزحت قائلة: "الناس عمالة تفلسع ولازم أفكر في التربة وفجأة تلاقي الناس كتير بتموت وكل أسرة فيها ناس تموت، وفي وقت كورونا قعدت سنتين مشوفش حد خالص وأول خروجة خرجتها رجعت مصابة، ودي من ضمن الحاجات السودة اللى مريت بيها وفضلت معزولة ولا حاسة بحاجة".