سالي عبد السلام : ادعولي مفيش حاجة تستاهل إنك تضغط على نفسك

نشرت سالي عبد السلام، مقطع فيديو عبر حسابها بموقع التواصل الاجتماعي Instgram من داخل عيادة طبية أثناء تلقيها العلاج.

كشفت الإعلامية سالي عبد السلام، عن إصابتها للمرة السابعة بمرض الثعلبة الذي يُصيب فروة الرأس.

وكتبت "دخلت الدوامة دي تاني! مرض الثعلبة وخلل المناعة للمرة السابعة في 5 سنين.. سبحانك يا رب يا دوبك لسه مخلصة علاج وكورتيزون وحاولت أخس تاني وأرجع أعالج شعري من الصيف!! في 5 شهور تعافي بعد ما تتعالج تطلع تاني بالسرعة دي ودي أول مرة تحصل! 3 شهور من الضغط النفسي والعصبي ودي أول حاجة ترجع المرض ده".

وأضافت: "حاولت أمثل إني كويسة زي ما على طول بعمل بس جسمي كل مرة بيرفض يمثل معايا، وابتليت في أكتر حاجة كنت بحبها.. سبحانك يا رب.. لما الدكتورة تقولي فيه أطفال وبنات بقت تيجي تاخد الحقن وتقول سالي بتاخدها، بفرح.. وأقول لعلها المنجية من الابتلاء!".

واختتمت سالي عبد السلام: "ادعولي مفيش حاجة تستاهل إنك تضغط على نفسك ولا تزعل وتمرض وتموت، إنا لله وإنا إليه راجعون".