.jpg)
«مستنيها من 4 سنين».. أول تعليق من زوجة رامي جمال بعد طرح ديو «دوخناك يا فراق»
قامت ناريمان زوجة المطرب رامي جمال، بتعليق على أغنية لها تجمعها بزوجها، وذلك عبر حسابها الرسمي على موقع التواصل الاجتماعي لتبادل الصور و الفيديوهات "إنستجرام".
وعلقت ناريمان كاتبة: "دوخناك يا فراق تجربه مستنياها من حوالى ٤ سنين وأتمنى تكون عجبتكوا قلولى مين سمعها ورأيه ايه.. ومين لسه مسمعهاش يقولى رإيه بردوا.. مبسوطة بالتعاون مع كل فريق العمل اللى اشترك في الأغنيه دى وبشكرهم واحد واحد.. و طبعا بشكر رامي جمال حبيبى اللى ادانى فرصه لتانى مره أنى اغنى معاه ودعمنى بكل حاجه يقدر عليها".
وكان المطرب رامى جمال قام بطرح ديو أغنيته «دوخناك يا فراق»، والتي يغنيها مع زوجته ناريمان، وذلك عبر قناته الخاصة على موقع «يوتيوب».
وتدور الأغنية حول فكرة تمر بيها جميع البيوت، وهي استحالة استمرار العشرة بين الزوجين، وليس بالضرورة أن يكون أحدهم سيئ الطباع أو يرتكب أخطاء، والأغنية من كلمات أيمن عز، وألحان محمود أنور، وتوزيع وميكس وماستر محمد مجدي.
كلمات أغنية دوخناك يا فراق
يا فراق تعالى .. رجعتنا ومحصلش جديد
زعلنا اهو بيكبر و يزيد
بقينا نستحلى الوجع
وبقينا بندور عليه
يا فراق تعالى
مفيهاش المره دي رجوع
ملك ايديك أنا هبقى طوع
نفسنا وياك انقطع
بنروح ف ايه و نرجع ف ايه
دوخناك يا فراق
معلش احنا الاتنين اسفين
ومفيش عِشره وخوف من بكره هيعملوا فيك أسافين
وبوصيك لو يوم حنينا
متصدقناش تبّت فينا
لا أنا ولا هو ف يوم هنعمر مع بعضنا ساعتين
يا فراق تعالى من بعض احنا استكفينا
بقيت قريب اوي لينا
بقينا عشاق من ورق
والحب ملناش دعوه بيه
يا فراق تعالى ولا حد فينا خلاص باقي
و ملكش ذنب ف ده نهائي
معلش عاملينلك قلق
و علينا زعلان بس ليه؟!
