حقيقة القبض على البلوجر عمرو راضي بتهمة النصب.. تفاصيل
تصدر البلوجر عمرو راضي تريند محركات البحث على جوجل بعد انتشار أنباء عن القبض عليه بتهمة التورط في قضايا نصب مع بلوجر شهيرة .
من جانبه نفى عمرو راضي بطريقة غير مباشرة هذا الخبر ، حيث نشر عبر ستوري انستجرام الخاصة به صورا وفيديوهات مع أصحابه وهو يقضي إجازته في واحة سيوة .
الإنفلونسر عمرو راضي يتسبب بأزمة لبنات سوهاج وأسيوط
تسبب الانفلونسر عمرو راضي، في حالة كبيرة من الجدل، انتشرت على موقع التواصل الاجتماعي تويتر، بسبب حضوره افتتاح أحد المحلات في محافظتي سوهاج وأسيوط، حيث أشعلت الصورة المنتشرة للبلوجر عمرو راضي، موقع التواصل الاجتماعي تويتر، ضد تصرف بعض بنات سوهاج وأسيوط.
عمرو راضي في سوهاج وأسيوط
الصور المنتشرة لـ اليوتيوبر عمرو راضي، كانت في شارع القاعات في محافظة سوهاج، وشارع النميس في محافظة أسيوط، وحوله عدد كبير من بنات المحافظة، ما أثار موجة غضب ضدهن، وقال أحد المغردين: أهالي سوهاج وأهالي أسيوط معلش لو مفيهاش إساءة أدب مني ياريت تتعبوا وتربوا بناتكم من جديد عشان تقريباً اهتميتوا بجمع الفلوس ونسيتوا تربوهم.. حقيقي منظر البنات ف شارع القاعات ف سوهاج وحاليا بشارع النميس بأسيوط وهي بتجري ومتلزقة عمرو راضي ولا كأنه جوزهم حاجه تقرف بالمعنى الحرفي
فيما قالت إحدى رواد تويتر: "مش قادرة افهم ليه بنجري ورا واحد مشهور بقا بلوجر. ممثل أيا كان ونتلزق علشان صوره مش فاهمه ازاي السوشيال ميديا تغير مبادئ وتفكير البنات لدرجه زي دي"
ردود فعل على صور عمرو راضي
وقال أحد المغردين: "عمرو راضي كان في سوهاج وده منظر البنات اللي حواليه ياريت كل اب يراجع نفسه ويربي بنته كويس دي بنات الصعيد ؟ بالله يا اخونا اللي يخلف بت يربيها متخلفوش بنات وانتم مش عارفين تبقوا رجاله وتربوهم"
وقالت أخرى: مش قصدي انتقد حد وكل واحد حر في تصرفاته طبعا بس لما كل الناس اللي علي جروبات سوهاج دي لحد دلوقتي مش ساكته وعماله تنتقد وتعيب علي البنات اللي كانو في المول عشان عمرو راضي ومريم سيف امال مين اللي كان ف المول امبارح بجد .
