ركين سعد: حبيت شخصية مريم في مسلسل ريفو ولازم نكسر كلمة عيب ومينفعش
كشفت الفنانة ركين سعد دورها في مسلسل «ريفو» بندوة مهرجان ميدفيست مصر.
وقالت ركين سعد: «بنتكلم في الندوة عن الصحة النفسية وأهميتها للممثل ف الدور اللي بيقوم به، وبيناقش المسلسل الموضوعات اللي مينفعش نتكلم فيها أو بنتكسف نحكيها، والمعاناة اللي بنواجهها في حياتنا، ونكسر كلمة عيب ومينفعش».
وتابعت ركين سعد قائلا: «الممثل لازم يهتم بصحته النفسية، ولازم نكون دقيقين ودارسين وعاملين حساب السيكولوجي للشخصية اللي بنمثلها، وفي في ريفو ملجأتش لطبيب نفسي، وريفو مسلسل حالة».
واختتمت: «شخصيتي في مسلسل ريفو هي «مريم» اللي بتعاني من مشكلات أثرت على نفسيتها، ولما قرأت السيناريو كان فيه تفاصيل أكتر خلتني أحب الشخصية، والدور حسيته قريب مني؛ لأنه قريب من شخصيتي في الحقيقة، ولو محتاجة استعين بطبيب نفسي مفيش مشكلة وليه لأ».
