حمو بيكا: معنديش وقت أتعلم أ ب.. وقفلت 3 مطاعم

كشف حمو بيكا سبب وقوف أحد زملائه بجواره أثناء تسجيله الأغاني، قائلا إن هذا بسبب عدم معرفته بالقراءة، مؤكدا عدم سعيه لتعلم القراء والكتابة.

وأضاف، في حواره مع الإعلامية فرح شاهين، ببرنامجها يومينهم، المذاع عبر شاشة قناة هي: "بوقف حد جمبي عشان يقولي الكلام عشان مبعرفش أقرأ وبشوف نفسي أسرع واحد بيغني، ومعنديش وقت أتعلم أ ب ت ولو عايز أتعلم كنت اتعلمت من زمان".

وأردف حمو بيكا: "ممكن أعمل في اليوم 4 أغاني، ومعايا الشاعر والملحن والموزع وكل حاجة وفي نفس اليوم ممكن أسجل".

وتطرق حمو بيكا للحديث عن مشاريعه الخاصة، موضحا أن سبب إغلاقه للمطاعم التي يمتلكها، قائلا: "قفلت 3 مطاعم عشان خسرت ومكنتش فاضي أركز معاهم والناس كانت بتسرقني وأنا كنت مسافر، ودمروا حياتي".