«خرجوا الأطفال».. إيمان العاصي تُعبر عن حزنها على أطفال فلسطين.. وتُوجه نداءً للعالم
وجهت الفنانة إيمان العاصي رسالة للعالم تعبر فيها عن حزنها على مصير أطفال غزة، وما يتعرضون له من إبادات وظلم من قِبل المحتل الإسرائيلي.
وكتبت إيمان العاصي عبر حسابها الرسمي بموقع إنستجرام: خرّجوا الأطفال أرجوكم.. بس الأطفال، ارحموهم والنبي خرجوهم كلهم لينا إحنا طيب، انتوا إزاي كدة؟ قلوبكم وعقولكم من إيه؟ إزاي قادرين تماطلوا كدة إزاي قاعدين مستنين.
وتابعت إيمان العاصي: أنتم إزاي بتناموا؟ عرب إيه وعروبة ايه وأديان إيه بس الوضع مش وضع دبلوماسية يا عالم أنتم مافيش فيكم رجا.. الولاد محروقين وجعانين وعطشانين وخايفين، عارفين يعني إيه جوع وعطش؟ أرجوكم خرجوا الأطفال بس أرجوكم.
واختتمت إيمان العاصي قائلةً: كفاية جبروت، عارفة إنكم مش مشاعركم هي اللي بتحركم، وعارفة إنها حاجة تافهة عندكم بس أرحموا صرخة الأطفال بس.
