أميرة عبيد: السيسي لحق البلد وحررها من حكم الإخوان في غمضة عين

قالت الإعلامية أميرة عبيد، إن الرئيس عبد الفتاح السيسي استطاع إنقاذ الوطن من جماعة الإخوان التي كانت تستهدف النيل من مقدرات الوطن ومؤسساته، مضيفة: السيسي لحق البلد في غمضة عين من الانهيار وحررها بسرعة من حكم الإخوان وبناها وعلاها وسندها وحماها وللأسف نسيوا كل ده و مسكوا في الطماطم والبصل اللي غليوا !!.
تابعت أميرة عبيد خلال تقديمها برنامج "هي وهما" على قناة الحدث اليوم، لو كنا أحنا اللي محتلين ومعندناش رئيس قائد قوي حامينا كنا هنبقي قاعدين مستنيين الشهادة زي إخواتنا في فلسطين، ومكناش هنعاني من ارتفاع نسبة الطلاق ولا انتشار جرايم القتل ولا امتلاء مصحات علاج الإدمان بالمدمنين ولا بناتنا وشبابنا العاطل كانوا فضحونا علي التيك توك بالشكل ده !
أضافت، انا مليش نفس ولا عندي طاقة اشتغل وإخواتنا وأطفالنا بيموتوا في فلسطين صدقوني إحنا في نعمة كبيرة مش عارفين قيمتها وجه الوقت اللي أثبت ان إحنا ربنا بيحبنا علشان عندنا رئيس قائد قوي بينهض ببلدنا داخلياً وخارجياً.. علشان كده الفترة دي كلنا لازم نقف جنب بلدنا ونساعد وندعم رئيسنا بكل ما نملك".