حورية فرغلي تخرج عن صمتها وترد على طليقة شاكوش: لو جيبتي سيرتي هشتكيكي بالتشهير
حرصت الفنانة حورية فرغلي على الرد على ريم طارق طليقة مطرب المهرجانات حسن شاكوش، ونشرت فيديو عبر حسابها الشخصي بموقع إنستجرام، قائلة: "الحقيقة أنا طالعة أكلمكم في موضوع وهو بقاله فترة مضايقني وساكتة، بس أنا قررت أشارككم وأشهدكم عشان لو أنا غلطانة ممكن تقولولي، أنا كنت ساكتة فترة طويلة جدا ومبردش علشان أنا أكبر بكتير من كده، بس الموضوع زاد عن حده بطريقة لدرجة إن أنا مش من طبيعتي أن أطلع وأتكلم أو أرد".
وأضافت: "الأستاذة ريم طارق طليقة الفنان حسن شاكوش اللي أنا معرفهاش خالص ولا عمري شوفتها، اتقال اسم حورية وثالث حرف (ر) الناس سابت كل الأسامي ومسكت في حورية سكت ومتكلمتش خالص، إنما يجيلك الجرأة أنك تنزلي أن الفنانة حورية فرغلي تكشف عن اسم الفتاة اللي كانت مع شاكوش لغاية هنا بقا واستوب".
وتابعت: "أنت عايزة إيه بالظبط، أنت عايزة تريند عايزة تجيبي اسم حورية فرغلي عشان تطلعي تريند، أنا أعرف منين البنت اللي كانت مع حسن شاكوش، وعلى فكرة أنا ممكن أرفع عليكي قضية تشهير، أنا مصورة الخبر وبعتوا لريهام سعيد وعندها بعد أما قولتي كدة أنا سكت وبرضو مش عايزة تعدي الموضوع اللي أنا مليش علاقة بيه لا من قريب ولا من بعيد".
واختتمت حورية حديثها: "في حاجة أنا عايزة أقولها أنا بحترم الصغير قبل الكبير بحترم نفسي وبحترم كل الناس أنا اتربيت على كده، اتربيت في بيت عيلة وعيلة كبيرة ومعروفة واتعلمت يعني إيه أخلاق وأصول وقيم فمش هقولك غير ربنا يهديكي يا بنتي لنفسك وتبطلي تجيبي في سيرتي لأن بجد المرة الجاية لو جيبتي في سيرتي أنا هشتكيكي بالتشهير وصدقيني مش هتستحملي ومش هتتخيلي هيحصل فيكي إيه، اسم حورية فرغلي متقولهوش عشان تطلعي ترند مسمحلكيش تقولي اسمي مرة تانية".
وكان انفصال ريم طارق عن زوجها حسن شاكوش بسبب اكتشافها لخيانته لها، وقالت ريم في تصريحات تلفزيونية مع الإعلامية بسمة وهبة أن حسن شاكوش كان يخونها مع فنانة مشهورة وثالث حرف من اسمها هو حرف (ر)، وفقا لتصريحاتها.
