دي محاصصة| محمد موسى يوجه رسالة نارية لـ ”الموسيقيين” بسبب محمد رمضان
فتح الإعلامي محمد موسى، النار على الفنان محمد رمضان بسبب عدم التزامه بقرارات نقابة المهن الموسيقية وتعمده الغناء بدون فرقة موسيقية ضاربا بكل القوانين عرض الحائط دون رقيب أو عقاب من المسئولين.
وقال محمد موسى خلال تقديم برنامج "خط أحمر" على قناة الحدث اليوم،: "نقابة الموسيقيين بقيادة الفنان مصطفي كامل عاملين حالة كويسة جداً في إعادة تنظيم مهنة الغناء والموسيقي في مصر ولكن لما أشوف واحد زي محمد رمضان ولا معاه تصريح غنا ولا بيعرف أساساً يغني طالع مرة عريان والتانية بيغني بالفلاشة ضارباً بقرارات نقابة الموسيقيين عرض الحائط فلازم أسأل سؤال مهم وبيطرح نفسه هو الراجل ده فوق القانون ولا هتقولولي إنه مش عضو عندنا وعضو في الممثلين".
تابع،: "طيب أنا بسألكم كان في قرار الموسيقيين خدته أيام الفنان هاني شاكر وهو النقيب بخصوص محمد رمضان وأخر معلومة عندنا أنكم طلبتم من نقابة الممثلين التحقيق في الأمر وبعده الموضوع من ساعتها مات وشبع موت .. ليه ؟ أنا عايز أعرف ليه ؟ من حقي أعرف طيب دلوقتي هتقولولي نفس المبرر ولا هيكون في قرار بخصوصه زي قرار وقف حفلة الماسوني ترافيس سكوت عشان كل الوسط الفني وغير الفني يعرف أن الكل أمام مجلس إدارة الموسيقيين متساويين منتظر رد من السيد نقيب الموسيقيين لأن دي أسمها محاصصة ... أو أن الناس تفهم أنكم خايفين من محمد رمضان".
