نجل أشرف مصيلحي يوجه رسالة لوالده: هفضل شايل اسمك وأنا فخور إنك أبويا

وجه يوسف مصيلحي، نجل الفنان الراحل أشرف مصيلحي، رسالة له، قائلا: "الله يرحمك يا أطيب وأجدع وأحن أب في الدنيا، كان نفسي تكون موجود وشايف حب الناس وروحك الحلوه الموجودة في كل حد فينا، وتشوف الناس كلها بتقول عليك إيه من أصغر واحد لحد أكبر واحد".

ونشر يوسف عبر حسابه الشخصي على انستجرام صورة تجمعه بوالده الراحل، وقال: "أنا فعلًا مش فاكر ولو مرة واحدة أنت عملت حاجه ضايقتني أو حتى شدينا مع بعض زي أي أب وابنه، وده عشان إحنا كنا صحاب وكنت بتفهمني وعارف دماغي".

وأضاف: "أنا عارف إنك دلوقتي مرتاح أكتر بكتير وأكيد مبسوط وانت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف إنك هتسمعني يمكن أكتر من آخر فترة كنت موجود وسطنا عشان كنت تعبان ومكنتش بعرف اتكلم معاك".

وتابع: "أنا عايزك تعرف إني بحبك أوي وهفضل شايل اسمك، وفخور إنك أبويا لحد لما أجيلك إن شاء الله، بجد بحبك أوي يا بابا وعارف إنك أكيد في الجنة إن شاء الله".