محمد رياض يعلن تكريم 10 فنانين بمهرجان المسرح: «مش لازم ننتظر رحيلهم»

تحدث الفنان محمد رياض، عن سبب تكريم الفنانين الأحياء بالمهرجان القومي للمسرح المصري في دورته الـ 16 هذا العام.

وقال خلال مقابلة مع برنامج «سبوت لايت» على قناة «صدى البلد»، إنه تقرر تكريم الفنانين الأحياء وليس الأموات، بالمهرجان القومي للمسرح المصري في دورته الـ 16.

وأضاف: «اتخذنا قرار تكريم الفنانين الأحياء بهذه الدورة، كونها رسالة شكر لهم عما قدموه في تاريخهم.. ومش لازم أستنى الفنان يرحل عشان يتكرم، لازم يحس بتكريمه وهو عايش، وهنكرم 10 فنانين».

وتابع: «فنان المسرح مش واخد حقه، وممكن نعمل بروفات سنة كاملة عشان عرض شهرين أو تلاتة، فالمسرح محتاج اهتمام أكتر، ولازم الفنان يكون سريع البديهة».

واستطرد: «فنان الكوميديا ملتزم بالنص المسرحي ومفيش فرصة يخرج عن النص وتقول آفيهات والناس داخلة المسرح عايزة تضحك ومسئولية على الفنانين اللي بيعملوا هذه المسرحيات إن الجمهور لاتزم يتبسط اللي جاي يتفرج».

ويقام المهرجان القومي للمسرح المصري في دورته السادسة عشرة برئاسة الفنان محمد رياض هذا العام، في الفترة من 29 يوليو الجاري وحتى 14 أغسطس المقبل.