رضا البحراوي لمجهولين: سيبوني بقى في حالي عشان أنا تعبت
وجه المطرب الشعبي رضا البحراوي، رسالة لمجهولين، وذلك خلال حسابه الرسمي بموقع تبادل الصور والفيديوهات القصيرة إنستجرام.
وكتب رضا البحراوي: أول حاجة ربنا كبير أوى.. تاني حاجة أوجه الشكر لكل جمهوري اللي وقف معايا في كل النجاح.
وتابع رضا البحراوي: يا رب ابعد عني الناس المريضة والناس الصفرا اللي مش بيحبوا الخير ليا، سبوني بقى في حالي عشان أنا والله والله تعبت في الشغلانة دى أوى خليكوا في حالكوا وسيبوا الملك للمالك وشيل عينك عني.
من جانبه، كان قال رضا البحراوي خلال برنامج صاحبة السعادة: حاسس بحب الناس وده بفضل دعاء والدتي ووالدتي
وتابع حديثع عن بدايته الفنية، فقال: غاويت الغناء من وأنا 8 سنين في طنطا أنا من طنطا منطقة شعبية كنت بغني في الحنن والشوارع، وكانوا بيوقفوني يقولوا صوتك حلو لحد ما قابلني علي عبد الستار المخرج والمنتج بتاعي وخدني، وأول شريط ليا مخدتش فلوس فيه أنا كان همي الشهرة بس وأول فرح بعد مانزل الناس شالوني فأبويا عيط.
وتحدث رضا البحراوي عن طفولته وعلاقته بوالدته، فقال: أنا اشتغلت كل حاجة وأنا صغير بـ 10 و15 جنيه لأن والدي ووالدتي على قدهم ومكنش بشرب حاجة، وكان عندنا عربية مكروباص اشتغلت عليها كومسري ومكنتش بتارجيت الفن.
وتابع: أما سبت البيت وروحت أغني والدي كان بيجي معايا دايما لحد ما تعبت ووالدي وهو على السرير قالي ربنا يرزقك عشان انت حنين على أهلك، ووالدتي بعدها تبعت تعب نفس تعب والدي وربنا يشفيها لأنها حياتي كلها، ووالدتي مرتبطة بطنطا وأما أقولها تعالي القاهرة انا مبعرفش امشي خطوة الا بيها واي حاجة تطلبها لازم أعملها.
