في بلاوي زرقة نتكلم فيها.. عمرو أديب يعلق على واقعة غناء الشيخ ممدوح عامر
علق الإعلامي عمرو أديب، على الجدل المثار بسبب غناء القارئ ممدوح عامر في حفل زفاف شقيقه.
وقال عمرو أديب، خلال تقديم برنامجه "الحكاية"، المذاع عبر قناة "إم بي سي مصر": "هل الموضوع ده من الأولويات؟ ده في بلاوي زرقة، لو عايز تكلم يعني، وعايز تبقى سخن، تعالى نتكلم في الأشياء اللي تهمنا".
وأضاف عمرو أديب: "ده فرح، والراجل بيجامل أخوه، وبعدها بقى فيه بيانات للجهات المختصة وتحويل للتحقيق، ابتدى يبقى عندي إحساس إن نص مصر محالة للتحقيق، أنا مع القيم والمبادئ، ولكن ده بيجامل في مناسبة، إحنا كمصريين في الأفراح بنكسر القواعد".
وتابع عمرو أديب: "فرح أخوه وانفعل، يا جماعة الرحمة شوية، ده بيعمل حالة توحش جماعي، فين القلب الحنين والطبطبة بتاعة المصريين، وبعدين يا جماعة انتوا عندكم كل الوقت ده، طب بتعملوا الحاجات المهمة امتى، يعني ليك رأي في الراجل ده، ورأي ماتش الأهلي، ورأي في كيلو اللحمة، الحياة فيها حاجات أخرى، لازم نحط طاقتنا في الشغل".
