دينا الشربينى أكتر عمل عجبني هو مسلسل زينة ”الليلة واللي فيها”
قالت دينا الشربينى ان أعمال كتير عجبتني السنة دي، بس أكتر عمل عجبني هو مسلسل زينة "الليلة واللي فيها"، ونفسى أسلط الضوء أكتر على الأطفال والمرأة، عشان كده عجبني جداً مسلسل "فاتن أمل حربي" لنيللي كريم".
أضافت في مداخلة هاتفية لبرنامج خلاص صحينا تقديم مارينا المصري على ميجا اف ام: طلعت من 2022 بشخصيات كتير أثرت فيا، وإن شاء الله السنة الجاية تبقى أحلى، ومتفائلة جداً بـ 2023، وعن درس السنة دي هو إني على قد ما بدي وقت لشغلي وحياتي لازم أركز برضه مع أهلي وأديهم من وقتي وطاقتي بشكل أكبر شوية.
واختتمت قائلة: أكتر حاجة اتغيرت فيا السنة دي هى إن عصبيتي بقت أقل، ودي حاجة مش سهلة، لأني شخص عاطفي جداً، وكل مشاعري بتبان عليا، وأنا الحمد لله على طول كويسة نفسياً، وبقيت أقدر أعمل كنترول على مشاعري، ومش بسمح لأي حاجة تزعلني، ولقد كان عاماً مليئاً بالسعادة، بالنسبة لدينا الشربيني الحمد لله.
