لقاء الخميسي تعلق على أزمتها مع زوجها عبدالمنصف: «مفيش حد مابيغلطش»

علقت الفنانة لقاء الخميسي على أزمتها الأخيرة مع زوجها، حارس مرمى الزمالك ومنتخب مصر السابق محمد عبدالمنصف، بشأن طلاقه من الفنانة إيمان الزيدي، بعد زواج سري دام 7 سنوات، قائلة: "مفيش حد مابيغلطش، بس القوي الحقيقي بيعترف بالغلط وبيرجع لصوابه.. ربنا فتحلنا باب المغفرة والسماح".

ونشرت لقاء الخميسي، عبر حسابها على "إنستجرام"، فيديو يضم صورا تجمعها بزوجها محمد عبدالمنصف، وصورا لأبنائها، معلقة: "الدنيا بتختبرنا دايما وأبدا، أيام بتسعدنا وأيام بتبعدنا وتزعلنا وتجرحنا.. وبنتوه مع نفسنا".

وتابعت: "الحكمة بتظهر من قلب الحزن.. وبنقعد نفكر إيه الصح وإيه الغلط، وهل اللي عدينا بيه شر ولا خير.. ومع الوقت، ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط، وفي ناس بتغلط وترجع لحكمتها وتندم وتصحح الخطأ".

وأضافت: "خطائين وخير الخطائين التوابين.. مافيش حد مابيغلطش، بس القوي الحقيقي بيعترف بالغلط وبيرجع لصوابه.. ربنا فتحلنا باب المغفرة والسماح".

واستكملت: "شكرا من قلبي لكل إنسان دعمني ووقف جنبي وطبطب عليا، وشكرا لكل أصدقائي المقربين اللي وقفوا جنبي، وكل من دعمني من أصدقاء السوشيال ميديا اللي نوروا حياتي بالمحبة، وطبطبوا على قلبي ودعولي دعوة حلوة".

واختتمت: "آخر حاجة هاقولها، أسهل حاجة في الدنيا هدم البيوت العامرة، وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام.. كلنا بنغلط، وبنندم ونرجع لصوابنا، ونرجع ببداية جديدة مليانة شغف وحب وسلام وراحة بال.. لكل ست وربة منزل، حافظي على بيتك وعيلتك بكل قواكي، وأوعي تدي الفرصة لأي إنسان إنه يهدم بيت العيلة.. بحبكم من كل قلبي أصدقائي وعيلتي الكبيرة".