حورية فرغلي: تزوجت لمدة 3 شهور وانفصلت لهذا السبب

قالت الفنانة حورية فرغلي إنها أجرت 27 عملية جراحية خلال ثماني سنوات، موضحة أنه لا توجد لديها عروق في جسدها سوى عرق واحد في رقبتها، ويضع الأطباء إبرة البنج فيه لأن جميع عروقها أُغلقت بسبب كثرة العمليات.

وتابعت الفنانة حورية فرغلي حديثها خلال مداخلة تلفزيونية عبر فضائية صدى البلد 2، قائلة: «الأول كان يهمني شكلي، لكن دلوقتي مبقيتش عايزة أعمل الكلام ده خالص، أنا مش عايزة أشوف دكتور في حياتي خالص، أنا زهقت، ومبسوطة كده الحمد لله بشكلي، وبقول للناس اللي شكلي مش عاجبهم ما تبصوش ليا وبلاش تضايقوني عشان شكلي مش عاجبكم».

وأشارت حورية فرغلي إلى أنها تزوجت لمدة ثلاثة أشهر، ثم حدث الانفصال وكان زواجها بناءً على رغبة والدتها بعدما ضغطت عليها، موضحة: «وقتها اتعرفنا على بعض وكان حد محترم جدا ومكانش لعبي خالص، لكن متوفقناش في حياتنا، وأنا شخصية مش عصبية».

واختتمت الفنانة حورية فرغلي حديثها قائلة إنها في يوم عرفة من كل عام تدعو الله عز وجل أن يقف بجوارها، مؤكدة أن حياتها تغيرت 180 درجة بعد فيلم «كلمني شكرًا»، معقبة: «ما كنتش أعرف إن الشهرة وحشة قوي، وكنت فاكرة إنها حاجة حلوة، والمصيبة دلوقتي إن أي حد بقى عايز يتشهر، بس مش بالطريقة الصح، وفيه ناس دلوقتي بتذبح عيالها عشان يتشهروا، ودي حاجات غريبة بتحصل».