ياسمين عز تعلن استمرار برنامجها في رمضان: ”هتشوفيني على قلبك”

أعلنت الإعلامية ياسمين عز استمرار عرض برنامجها "كلام الناس" في شهر رمضان.

وقالت ياسمين عز خلال حلقة اليوم من برنامجها كلام الناس عبر شاشة mbc مصر: "البرنامج سيواصل بثه بشكل طبيعي خلال شهر رمضان الكريم، ولن يتم إيقافه مثلما تردد على لسان البعض".

وواصلت: "الناس كانت فاكرة أني بقدم برنامج مقالب، والبرنامج هيقف خلال شهر رمضان، ولكن ده مش هيحصل يا مدام، ده مش مقلب، والبرنامج مكمل بشكل طبيعي في رمضان عشان ده برنامج حقيقي وفرعوني والمقلب الحقيقي إنك تعتقدي أنك مش هتشوفيني في رمضان ولكن دا مش هيحصل".

وأضافت: "هتشوفي ياسمين عز حبيبتك على قلبك لازم أطل عليكي في رمضان عشان مقدرش استغنى عنك".

وتابعت ياسمين عز: "عندنا عادة لازم نبطلها في رمضان وهي الفرزنة، وإنك تفرزني كل حاجة في الفريزر علشان تجهزيها وتتبلي 20 كيلو من البانيه وتحطها في الفريزر، فاضل تفرزني الضيوف".

وذكرت في حديثها للسيدات: "ليه كدا يا مدام قتلتي المتعة والحوسة بتاعة رمضان مبقاش فيها بركة وياريت تاكلي يوم بيوم".