عصام عمر يطالب بنظرة للأطباء الجدد: أحداث مسلسل بالطو من وحي الكاتب
كشف الفنان عصام عمر، بطل مسلسل بالطو، كواليس التجربة التي حققت نجاحا كبيرا مع الجمهور، مطالبا بالنظر الى الأطباء الجدد بأن يكون تكليفهم قريبا منهم.
وقال عصام عمر، ببرنامج سبوت لايت المذاع عبر قناة صدى البلد، وتقديم الإعلامية شيرين سليمان: أتمنى أن يتم النظر للأطباء الجدد اللي لسه متكلفين بنظرة أرحم انهم لسه صغيرين ويبقى تكليفهم قريب من مقر سكنهم.
عصام عمر تابع: لازم كلنا نبقى شايلين حمل بلدنا وكل واحد في مكانه يعمل دوره وهم عليهم الدور الأكبر لأن العلم هو السبيل الوحيد اننا نكون الأفضل قدام، ومفيش أي حاجة تانية.
وأوضح عصام عمر: أتمنى إن يتبصلهم بصة حلوة، وظروفهم صعبة جدا جدا وبيقعدوا فيها سنين كتير من عمرهم، وبيطلعوا تبقى ضغطاهم، ودورهم عظيم، لازم يبقى فيه احترام وفهم لطبيعة الدكتور، وكمان مننا إحنا كناس ونتعامل معاه بشكل أروق لأنه مضغوط.
وأضاف: أحداث المسلسل من وحي الكاتب وفيه مواقف حصلت بالفعل وبنينا عليها المسلسل، وكل الدكاترة عارفين إن فيه مواقف كتير بتحصل معاهم باختلافاتها، وبنينا عليها أفكار.
