ندى الكامل تكشف حقيقة ارتباطها وتنفعل على منتقدي مظهرها
فاجأت ندى الكامل، طليقة الفنان أحمد الفيشاوي، جمهورها بكشف حقيقة ارتباطها، وذلك ردًا على أسئلة الجمهور عبر موقع الصور الشهير “الانستجرام”.
في هذا السياق، أكدت “ندى”، أنها مازالت عزباء ولن تتزوج مرة أخرى، كما ردت على منتقدي مظهرها وملابسها.
كتبت ندى الكامل عبر خاصية استوري على حسابها بموقع انستجرام: أنا لسه سنجل ولا أبالي، ومش عايزة أتجوز تاني لأني اتجوزت واتبسطت جدًا وكنت سعيدة ومش هكررها تاني.
على الجانب الأخر، انفعلت ندى على إحدى المتابعين بعد سؤالها عن خوفها من الحساب وعقاب الله بسبب ملابسها، قائلة: يعني إيه مش بخاف من الحساب ومش خايفة أخد ذنب؟ ما طبيعي كلنا خايفين من الحساب ومش عايزين ناخد ذنوب، بتفصليني عن باقي البشر ليه؟ كلنا عندنا نفس لوامة أو معظمنا، وأظن دا أحسن بكتير من النفس الأمارة بالسوء.
وتابعت طليقة الفيشاوي: ركزي في نفسك عشان ترتاحي ومتبقيش تبصي عليا لو مضايقاكي، أنا لوحدي جيت ولوحدي عشت وبردو هنزل المتر في متر لوحدي، ساعتها أنا اللي هكون ملزمة أرد على السؤال دا وقتها، لكن مش ملزمة أرد عليه حاليًا.
تحدثت ندي، عن عمليات التجميل، قائلة: أي حاجة تفرحك وتخليكي مبسوطة قدام المراية وعقلك واعي وعينك مبسوطة بالمنظر أعمليها، ومش شرط تجميل بس، إنما أي حاجة لأن الإنسان لو مساعدش نفسه وطور منها محدش هيساعده.
ندي كشفت مؤخرًا مواصفات فتى أحلامها، متمنية الارتباط بـ رجل ذكي وجميل ومتعلم ومشغول دائما وهادئ ومحترم، ولكنها لا تفكر في الزواج حاليًا، وتحاول التركيز على سعادتها وحياتها فقط.